Hallou!

Ich bön Eric van Melick, 54 joar, getrouwd mit Christianne en same höbbe veer 3 kienjer. Veer wone in Heytse. Van beroep bön ich kwaliteitsmanager. Sinds een paar joar sjpeel ich bie Spelenderwijs in Heur. Tot noe toe höb ich allein mer kleine rollen gesjpeeldj. Veural de boetesjpektals van de De Geist van Graaf Filips en De Vossen van de Spik waren geweldig om aan mit te doon.

Wie ich heurde van De Zwarte Grens hoofde ich neet lang noa te dinke of ich waal aan de auditie wool deilnäme. Bie de Zwarte Grens sjpeel ich de rol van Drossaard van Wylick oet Kessel. Ut is geweldig om deil oet te moge make van deze fantastische groep enthousiaste miense en om te beläve wie ut sjtök zich ontwikkeltj. Ich hoap det geer allemoal komptj kieke!