Familie Sijben, wat fantastisch dat jullie meedoen met De Zwarte Grens! Laten we bij het begin beginnen. Wie zijn jullie?
Oos gezin is ein echt Naers gezin, wae zeen alle 5 gebaore en getaoge in Naer. Blieve ouch mèt alle plezeer in Naer woeane, want dao veule wae òs thoes. Wae zulle ós effe väörstèlle;

Pieter, 62 jaor, pap en opa, ich bèn Pöttemaeker, höb in 1989 Pieter Sijben Bronboringen opgericht, naodet mien vader in 1976 mèt pütte make waas begós. Ich bèn zeker creatief, höb oos mesjiener mèt ontwikkeldj, en die zeen uniek in Nederlandj en rondom. Bèn lid vanne Bösse Sjötte, woea ich as Standaardruiter de waeg vrie maak väör de Sjötterie. As der ein fiëestje is, bèn ich gaer vanne partie, en det hub ich äovergedrage nao mien kinjer.

Anita, 57 jaor, mam en oma, ich doon de ganse administratie väör de Pöttemaekers. Daonaeve pas ich eine daag op Riff, oze kleinzoon. En as ich vrie bèn teiken en sjilder ich gaer, ich bèn ouch op les, en exposeer in juni tiejes Kunstig Naer. Ich bèn ouch lid vanne Bösse Sjötte, dao begeleidt ich Pieter en ‘t paerd inne optocht. Wae wanjele gaer en gaon ouch gaer op reis, die wae den zelf oetstippele, berg en natuur, mer zeker auch cultuur ontbriktj noeait.

Stef, de aodste zoon, is 33 jaor. Woeantj oppe Baandj.  Stef zorgtj det de Océ printers nog sneller en baeter om kènne gaon mèt inkt. Is mèt name oppe computer bezig mèt programmering. Stef is lid van vastelaovesvereniging de Kwiebusse en de Bösse Sjötte. Stef is väörzitter van Buurt Haonssum. Zorgtj oppe Bonte Aovendj det d’r meziekskes en filmkes zeen. Hèltj van meziek en van ein fieëstje, mèt ein good glaas beer. En det glaas beer wiltj der auch waal zelf brouwe.

Luuk, de jongste zoon is 32 jaor. Is getrouwd mèt Simone, en vader van Riff. Luuk is zien pap gevolgd en ouch Pöttemaeker gewaore. Hae speeldje vreuger al ut leeftste boete, mèt taoter, en gewaere as soldaot. Luuk is ouch lid vanne Bösse Sjötte, en houwtj dao de dieke tróm. Luuk is väörzitter van de Jeugdkwiebusse en lid van vastelaovesvereniging de Kwiebusse, en zoeawaal Jeugdvorst as Vorst Kwiebus gewaes. Luuk is eine muziekleefhebber, sleit Moulin Blues neet äöver, en speeltj gitaar biej Flessegelök. En BBQ-en is zien specialiteit.

Elke, oos dochter, is 30 jaor. Woeantj nog thoes. Haet ein eige bedrief as: fotograaf, ontwerpster van ónger angere logo’s en hoesstiele, en is grafisch vormgaever, bie ein bedrief det Halal diepvries snacks meukt. Meuktj van oos Kwiebusgezèt ein plaetje. En väöl foto’s van activiteite in ‘t dörp meuktj Elke auch. Zoea is Elke hof fotograaf van de Naerse vastelaovesverenigingen. Uiteraard is de foto van òs, bie dit interview, ouch van ElkeS handj.

Wiejer is Elke actief bie de Jeugdkwiebusse as bestuurslid, en Kinjervekansiewerk, in ‘t bestuur, en mèt name ‘t kleuterprogramma, waerdt door Elke mèt gemaaktj. En ouch Elke prissenteert häör werk in juni tiejes Kunstig Naer.

Jullie hadden vast al van De Zwarte Grens gehoord. Wat was het gevoel daarbij?

Sjoean det in Naer nao lange tied weer ein tonieël waerdt georganiseerdj, en dao blaef ‘t in ieërste instantie ouch bie. Waal benoewdj wie en waat, en zeker van plan om te gaon kieke.

Toen zagen jullie de oproep “Figuranten gezocht” en bespraken dit aan tafel, of hoe ging dat? Moest één van jullie nog overgehaald worden of zag iedereen het direct zitten?

Joeëst, de hoofdrolspeler,  is begos mèt lobbyen, om òs d’r bie te kriege, biej de sjötte, of ‘t volk. En zoea väör en nao, mèt get lichte aandrang, haet Joeëst òs allemaol zoea wied gekraege. Ieërst de jonges, biej de sjötterie, en daonao de maedjes, omdet ‘t volk nog neet groeat genog waas. En väör Pieter is dit ein legaal meneer om eindelijk de baard te kènne laote staon.

Hebben jullie vaker meegedaan als figurant of misschien zelfs als speler?

Wae höbbe allemaol waal opgetraoje tiejes de Bontje Aovendje, in sketches, mer auch mèt Buurt Hanssum oppe Leedjesaovendj, neet omdet wae kènne zinge, want det talent is aan òs alle 5 väörbie gegaon, mer om same get neer te zètte oppe buhn. Pieter en Anita speeldje vreuger tonieël tiejes Avondje KPJ, Pieter deej auch mèt ut groeat tonieël (aovendjvullend) mèt. Luuk haet un filmrol gehadj in de Bronze Story, äover de Graaf van Horne, nao aanleiding van ut ruiterbieëld det Jos Dirix van de Graaf haet gemaaktj.

Waar verheugen jullie je het meeste op binnen dit traject?

‘t Is zeker hieël sjoean om same in eige dörp te moge spele. Wie klein dien rol auch is, dich dreugs bie aan ‘t groeate gehieël. Same mèt vrinj en bekindje, mer auch noe miense te lieëre kènne, d’r get van zeen te make. In ein sjoean Naers tonieëlstuk, mèt geschiedenis, det is waal hieël sjoean.

Wanneer is het voor jullie geslaagd?

De Zwarte Grens is geslaagdj as ederein mèt plezeer, en ein gooi samewirking en verstandjhaojing, d’r 5 sjoean aovendje van haet gemaaktj. 5 Väörstèllinge woea ‘t publiek en de spelers nog lang äöver nao kalle. Mèt eine lach op ut gezich. En nao die aovendje is ‘t zeker nueëdig om mèt ein Linjebuimke te evalueren, en planne te make väör de toekoms. En det die 5 aovendje de waeg vriej make väör tonieël, in ‘t durp, want det misse we sinds ein paar jaor.