Mella Klaessen speeltj Elodie van Wylick

Al van jóngs aaf aan bön ich gefascineerdj door alle Limburgse sjpektakels en tonieëlsjtökke zoeas ’t Draaksjtaeke en Schinderhannes. Wie sjiek is ’t den as d’r in ‘dien eige dörp’ eindelik ouch zoeë-get kumptj.

Bie ’t Pact van Asselt höb ich dao al ein bietje van mooge preuve. Mer Asselt is gein Naer.

 

Ich haaj Bas Keltjens – ein van de sjrievers – om ’n bietje mieër oetligk gevraogtj bie de rol van Elodie. De omsjrieving waas, net as de rol, get mysterieus. Vaoral ’t mystieke, de visioene en besjöldiging van hekserie sjpraeke mich hieël erg aan. Ein onbegraepe jónge vrouw sjpele is get waat mich nauw aan ’t hert ligktj. Ich kiek d’r nao oet om same te wèrke met zoeëväöl gepassioneerde Naerse (en boetedörpse) same te wèrke aan get ontzettendj zeldjzaams en sjieks.

Mella Klaessen